عندها شعرة ساعة تروح وساعة تيجي ، قصة مفيدة

دخل على قريبى الشاب فى العيادة مرتبكا : جلس ولم يجد مايسعفه من الكلام
هدأته لأسمع شكواه
يادكتورة موعد زفافى اقترب ومش عارف أفهم خطيبتى إطلاقا

أحيانا تكون ودودة وحبوبة وفرفوشة
وأحيان أخرى تكون خميرة عكننه
-نفس الكلمات أقولها فى موقف تترجم فيه على إنها حب وغرام

وفى أحيان أخرى تثيرها وتعتبرها تريقة وسخرية ..........
قاطعته قائلة من الآخر كده عاوز تقول عندها شعرة ساعة تروح وساعة تيجى
:: نظر إلى مندهشا وقال هو ده بالضبط اللى عاوز أقوله
مش بس خطيبتك كل الستات كده
:: يعنى إيه
فيه دورة فسيولوجية فى حياة كل إمرأة لازم تفهمها

فيه فترات بيسيطر عليها هرمونات بنسميها هرمونات الفرفشه والنعنشة

وفترات أخرى بيسيطر عليها هرمونات بنسميها هرمونات العكننه
:): معقول
بالضبط هو ده اللى بيحصل ولازم تتفهمه
الفترة السابقة لنزول الحيض بحوالى أربع أو خمس أيام ومعاها يومين بعد نزول الحيض
(تزيد الفترة اة تنقص حسب طبيعة كل امراة)
ترتفع هرمونات العكننه فتميل المرأة للإكتئاب وتثور لأأتفه الأسباب

أحيانا تفتعل الخناقات وتتنازعها الأفكار السوداء

--يكفى أن تعلم أن 60% من حالات الطلاق والإنتحار والفصل من العمل بين النساء تتم فى هذه الفترة
:: منزعجا وبعديييييين
ولاقبلين دى فترة محدودة وعلى العكس منها فترة ماحول التبويض وتستمر حوالى 10 أيام

تسيطر عليها هرمونات النعنشة تكون المرأة فى قمة الجاذبية مرحة منشرحة

ليس عندها أى إستعداد للمشاكل بل تثير البهجة فى كل من حولها
:: تنهد قائلا طيب والمطلوب منى
بمجرد أن تتفهم هذه الظروف والدورة الفسيولوجية للهرمونات انت وخطيبتك

سوف تختفى 90% من المشاكل فحينما تجد تصرف غريب وتفسره بأنه خارج عن إرادتها ستعذرها
وحينما تتنازعها الأفكار السوداء فتراجع نفسها قائلة زوجى ليس سيئا

أنا التى اعانى من اثر الهرمونات ستتوقف الكآبه
عليكما عدم البدء فى أى مناقشة فى فترات العكننه وعدم إتخاذ قرارات مصيرية فى تلك الفترة
حاول أن تتجاوز بها هذه الفترة وإستعيذو بالله دائما من الشيطان الرجيم
:: قاطعنى محتجا
:: يعنى كل شهر أتوقع هذه المشاكل دى عيشة إيه دى
ابتسمت مهدئة ستتعود على هذا بمجرد أن تتفاهما وستزول المشاكل
:: طيب وحماتى
مالها حماتك
:: دى بقى عكننه على طول حتى جوزها طفشان على طول منها
آه دى بقى ياحلو مايسمى بأعراض ماحول سن اليأس

وهنا بيختفى تماما هرمون السعادة ويسيطر هرمون العكننه بعيد عنك
حتى تنقطع الحيض ويستقر الجسم على الوضع الجديد
:: دى فين وفين لما يكون خالها الطيب حاضر
معلش تفهمها وتجنب المناقشة معها وخللى بالك مشكلتها دى بتستمر سنتين وتلاتة
: وقف وهو يترنح
وخرج متمتما ربنا يعيننى على مابلانى هالاقيها من مراتى واللا حماتى أنا اللى باين عليا هيبقى

عندى شعرة ساعة تروح وساعة تيجى

والله انا مش عارفة اذا الحكاية دي صح ولا لا

لكنها حلوة وممتعة

100000000

ميرسي يا قمر لمرورك