الموضة يا بنات .. قصة حلوة أوي

المووووضة يابنات

انقطعت صلتى بالموضة منذ ان اتخذت لنفسى زيا شرعيا مخالفا لكل اعراف الموضة فى زمانى
حيث كان المينى والمايكرو وخلافه وابتدعت الماكسى قبل ان يبتدعوه

المهم اننى اجبرت على ملاحظة الموضة منذ ان بلغت ابنتى (بنوتة زغنتوتة)مبلغ الفتيات

وعاوزة هى كمان تبقى ستايل
قبل نزولنا مصر فى اجازة الصيف واثناء التشات مع صديقتها من مصر

سالتها الموضة ايه السنة دى عشان اشترى لبس للصيف

فافتت لها صديقتها (الديرتى جينز)

وحيث اننى امثل التيار المتشدد فى الاسرة فقد اعتبرت ذلك قلة قيمة ولكن بعد مداولات نزلت معاها السوق
ولم اجد من ذلك الديرتى الا المحزق والملزق وقد اقترحت ان نشترى جينز نظيف وادرتته انا بمعرفتى

فابت ابنتى الا ان يكون ديرتى من المنبع وفى النهاية اشترت بنطلون ضيق من فوق وواسع من تحت

وعليه المدعو (مانتووه)وهو فى نظرى بالطو مخبرين محترفين ولكنى احتفظت براييى لنفسى نظرا لسعره

والذى اشترى لنفسى بيه عبايتين وطرحة .
منذ ان وصلت مصر لاحظت ان عددا لاباس به من الفتيات يلبسن المكرمش confused

قلت ازمة مكاوى فى البلد المرة الجاية اشترى هدايا مكوة لكل مواطن.
اشترت قريبتى بلوزة مرتفعة الثمن مكرمشه اتغظت ليه تدفع ده كله وكمان مش هاين عليهم يكووها مالهمش حق

خدتها منها وكويتها من وراها ولما راتها صرخت ليه كده ياطنط ده سعرها العالى عشان الكرمشه دى

قلت يالهوى يابنتى بقى تلبسى البلوزة كانها طالعة من بق كلب عشان الموضة دى خيبة ايه دى .
الجديد انى اشوف البنات لابسين البلوزة طويلة من ناحية وقصيرة من ناحية

اول مرة قلت اكيد اتبرمت منها فى الغسالة هى الغسالة ام روحين تعمل كدة ويعدين تكررت الظاهرة

كل دول ضحايا الغسالة ام روحين واكتشفت انها الموضة بعيد عنكو .
اما بقى الجديد فهو المرقع
فى النادى الارسطقراطى رايتها
شكلها مش وش بهدلة لابسة البنطلون الجينز رجل طويلة ورجل قصيرة ومن ورا رقعة مكان الجيب

قلت معلش الموازين المقلوبة فى البلد ابلغ اللجنه الاجتماعبة فى النادى يدرسو حالتها

اقتربت منها فلاحظت ان البنطلون مفتوق(او هكذا توهمت) من الجنب اعلى الفخذ

فهمست لها قائلة يامدام البنطلون مفتوق فتفحصت نفسها جيدا ثم ابتسمت لا هو موديله كده

قلت يانداشة يعنى انتى خارجة بيتكو كده
ولسه كان على لسانى اسالها واسم الله عليه الافندى بتاعك شافك وانتى خارجة

واذا بشحط اطال الله قامته لايصلح الالجر الحناطير مقبلا عليها صائحا هاااااى شيرى

راطنا معها بالفرنسية متسائلا ما ذا كانت تريد منك تللك السيدة فردت اننى متخلفة اتية من كوكب اخر

استعلم عن ذلك الثقب فى بنطالها وتبادلا السخرية من هبلى وانا واقفة

ولم انس ان احييها وانا منصرفة بالفرنسية معرفة اياها بنفسى ومعلنة اننى سعدت بالتعرف عليها .
اذن المكرمش والمهلهل والمرقع وقريبا المبقع والمشرشب والمهبب والمنيل

بكلمة من ابن ديور او بنت عجرم ده غير العبك اللى اصبح موضة

انا متاكده ان احد حيتان البلد الكبار اتورط فى صفقة عبك (ضمور) فاخترع له هذه الموضة

وبعد انا نشف ريقى انبه كل محجبة ان ظاهر القدم جزء من عورة المراة امام الرجال الاجانب

وعليها بارتداء الجوارب وما من مجيب
وقد بدرت لى فكرة ان اؤلف اغنية تنصح بلبس الجوارب للمحجبات

وتغنيها بنت عجرم وتظهر فيها مرتدية الجوارب الحريمى السميكة

وتانى يوم سيرتديها الكل ولكنى فزعت عندما خطر لى ان بنت عجرم قد تظهر فى الكليب مرتدية الجوارب

-------فقط

thanks so much Admin

شكرا يويو لمرورك