تعالى شوف الفرق بين الحب والاحتياج للحب

ساعات فى بعض علاقات الحب نلاقى نفسنا جينا عند النص ووقفنا مش

قادرين نكمل وزهقنا وخلاص

بنتلكك لبعض وده بيرجع لاسباب كتير اوى بس انا النهاردة جبت الحاجة

الغامضة شوية وهى الاحتياج للحب نشوف الفرق الاول.

(((الفرق بين الحب والاحتياج)))

"الحب"

شعور جميل بيتولد بين شخصين من غير اتفاق

مشاعر بتطلع بالتبادل بتاخد وبتدى ومن غير ما تحسب انت اديت اية واخت

اية.

القلب فية مضخة بتضخ الحب لجميع اجزاء الجسم مع الدم وعقلك بيفكر فيه

عينك دايما عليه

شفايفك دايما تنطق باسمه

رجليك دايما تروح للمكان الى هو فيه

مشاعر جميلة بتطلع من غير قصد ومن غير ما تتحسب ومن غير ما تصرح له

انك بتحبه

مشاعر رقيقة لعلاقة بريئة بعيدة عن المصالح والمجاملة والروتين .

الحاجة الوحيدة اللى تحس فيها انك على طبيعتك وبحريتك وبتعيش اسعد

لحظات حياتك.

" الاحتياج للحب "

شعور بيحسه الانسان الوحيد ويمكن يكون عايش مع ناس بس مش حاسين

بيه او مش حواليه .

بيحس انه محتاج لقلب يشاركه همومه والامه ووحدته واوقات فرحه يتبادل معه

حنان وحب وعطاء ولكن .............اه من قسوتها لكن ربما بعد ما ياخد ويحس

بكل الى كان فاقده مبيبقاش محتاج للقلب دة فى اى شىء ودي مش خيانة

او جحود دى غلطة ابتدت من الاول الطرفين ملهمش ذنب فيها.

هو حس باحتياج لحب وحنان ووجده فى انسان من غير ما يتأكد اذا كان بيحبه

ذاتة او لا .

كتير مننا بيغلط اوى وبيلخبط الامور ببعضها ومش بيتاكد من مشاعره ويندفع

للدخول فى تجربة وهو مش مدرك انى دى مسؤلية كبيرة اوى مش مجرد

كلمتين حب وخلاص.

ومن هنا جاء الفرق بين الحب والاحتياج.

كتير مننا بيحس ان بابا وماما واخواتى مش سالين فيه.

اصحابى كل اللى طالع عليهم الهزار مش بيتكلمو جد ابدا كل ما احكى لحد

على حاجة يتريق ويهرج.

طيب هو ده معناه انك تربط نفسك بعلاقة انت مش واثق من مشاعرك فيها.

يا سيدى عارفين انك قرفان من الدنيا وعاوز حد تحط راسك على كتفه

((معنويا فقط )) وتشكيله همومك .

بس مش كدة ؟؟؟؟

اوعى تورط نفسك او تورطى نفسك فى حاجة انتى مش قدها اتاكدوا من انفسكم

الاول قبل ما تربطوا حياة شخص بيكم.

محتاج لحب دور عليه فى اللى حواليك اكيد فى ناس بتسال عليك جرب

تحكى لحد بلاش اصحابك .

اهلك حتى.

دور على الحب فى اخواتك فى مامتك فى باباك اكيد لو انت بدات هما كمان

هيبدلوك نفس الشعور.

اسال على الناس هيسالو عليك

حس بالناس هتحس بيك.

ومتقربش لعلاقة حب الا لو كنت واثق ومتاكد من مشاعرك.

********************

منقووووووووووول

أشكرك يا أحمد على الموضوع القيم الرائع
ونتمنى مزيدا من الموضوعات المفيدة
تحياتي لك على جهودك

بجد يااحمد انت بتتكلم جد وكلمك دا كله صح وانا على فكره ممكن اكون وقعت فى الغلط دا وبجد مش عارفه اصلحه

ياريت لوعندك الحل تقولى عليه

ومرسيه اوى على الموضوع بجد جامد

موضووع رووووووووعه

وأغلبية العلاقات بتكون احتياج للحب مش حب

الحب رغم انه مبنى اساسآ على نداء القلب الا ان العقل لازم يكون له دور جامد عشان العلاقات مش تنتهي بالفشل وكدا

وميرسي ليكـــ

شكرا يا ادمن على مرورك الكريم

واتمنى ان الموضع يكون عجبك

magy elomda

انا سعيد بمرورك الكريم على الموضوع

واتمنى فعلا انى اكون قد وفقت فى نقل معلومه وافاده لكم

اما عن الحل فهو بداخلك فأبحثى عنه

طيوبه مرسى ليكى على مرورك اولا

ثانيا انتى كلامك صح ولازم يكون للعقل مكان فى العلاقه

تقبلى تحياتى / احمد الصقر